کار مەکەریم، کار

قاسم ئه‌رژه‌نگ

 

 

ئەڕا: هادی زیائەدینی و مادی مایدەشتی

گیانمان زامار و جەسەمان شەکەت

کار مەکەریم

کار کار

وێنەگر!

وێنە نەگر!

شەوسو،

گوڵ بێدەنگ گیان

داخ مەکیشی وێنە کەلیمەل بی تاوان

جەنگە، جەنگ

نەزان تەک زانا

گەپ بی بن ئنسان

تاوانباران کرد باڵ فکر

تەهڵیان کرد حاڵ دڵ

کار مەکەریم

کار کار کار

جەنگە، جەنگ

وێنەگر

نان کارم ها دەس!

دەنگ، تک تک گیانمان ها گووش

تام شێعرمان، ها سەر لچا

نان کارم ها دەس

جووانتر ئەژ کار و نان هویچم نەنویسا

بیژیکە تک تک دەنگ گیان

کە جوان مەنووسن

رەنگین مەنویسن

نان کارم ها دەس

ئاسن مەتاونن

نەرم و سەوز            

زەرد                               

گول گول گەنما مەچڕن

تا ئیسە، نان                  

جووانتر ئەژ دەسەل کارم نەنویساوی

کار مەکەریم کار

زووان گوڵ گیلاس و هەنگ و مەنگەز                          

دەنگ زامار خاک و گوورانی دارە پیرە                  

دەس کار

وینەی جووان عشقم نویسانە دڵ دەفتەر

شەوسووم ها پیری

پشت سیم پەیکوڵ و بەن،                           

هیچ گیانی نەوەچیا

وەچانمەی کوینە

وەچانمەی دوینە

نمەگەوڕی پار و پیرنە

باڵای سویر شێعر ئمڕوو

گیانم سوور کردیەسی

گوڵ زەمانم ها دەس

وێنەی شەهر شەوسوو

شەماڵ تینییەسی

 

تابلۆ: به‌رهه‌می هونه‌رمه‌ندی شێوه‌كار ئه‌كبه‌ر مه‌نسووری. 

 

 

11 Jan, 2021